黑鉄屋 @ 灣仔
金兵衛 (7.5/10)($88)
位於灣仔既...

黑鉄屋 @ 灣仔
金兵衛 (7.5/10)($88)
位於灣仔既黑鉄屋@kuroganeya_ramen，foodki一直無乜點留意，今日一試，估唔到真係幾好食。
foodki揀既係金兵衛，即係豚骨湯底加上辣肉醬。其他配料就有糖心強，叉燒兩塊，少少黑木耳，同埋紫菜。先講湯底，湯底唔係香港一般既豚骨湯底，味道較清甜，愛好濃味既人可能有啲失望。黑鉄屋既湯底絕對無任何味精，呢點絕對睇出誠意，食完都真係唔覺口渴。入口一啲都唔咸，但味道確實不俗，最正既係一個清清地豚骨湯底，竟然配搭辣肉醬呢啲咁重口味既配料，但得出黎既化學作用確實不錯，辣肉醬令湯底帶微微辣，但就唔會完全掩蓋清豚骨湯底，真係唔錯！
拉麵質素都好高，唔係傳統粗麵或幼麵，而係兩者之間，掛湯力強，麵質彈牙，麵既質素的確非常唔錯！
糖心強都非常好食，極流心，醬油好入味，個人係好滿意，覺得香港無乜邊度好食過呢間。
但好可惜，佢地既叉燒唔太得，肉味雖有，但燒得太過韌，可惜同埋其他小食質素麻麻！
總括而言，黑鉄屋絕對值得一試！由其係糖心強！

地址：灣仔大王東街3-5號地下B舖
漁場台風(拉麵)=BB ramen>銅鑼灣一蘭>武士>富士山55(TST)=台風>廣島霸嗎=俺之沾麵>黑鉄屋>神虎>拉麵Jo>周月>漁場台風(沾麵)=豚王>豚骨一休=尖沙咀一蘭=松壱家=三田製麵所>富士山55(銅鑼灣)=醬家>博多一幸舍>隱家>別天神>富山

---